NNan tabata yama Tula Rigaud, nòmber di e general Beniot Joseph Rigaud, un di e héroenan di revolushon Haitiano. Tula tabata un katibu di plantashi Kenepa, di doño Casper van Uytrecht. Tula tabata un hòmber inteligente ku tabata por a ekspresá su mes hopi bon. E tabata bon na altura di prinsipionan di revolushon Franses i desaroyonan na Haiti. Tambe e tabata bon na altura di desaroyo polítiko na Oropa. Tula tabata relatá e prinsipionan di libertat, igualdat i fraternidat na e doktrina di Iglesia Katóliko. Konosí ta ku Tula a skibi un karta pa direktor kaminda el a eksihí libertat di katibunan. Tula a prepará huntu ku Bastiaan Carpata e rebelion. E katibunan tabata yama Tula kapitan. E katibunan a rekonosé Tula komo e lider máksimo den e rebelion.
Bida di e Afrikanonan na Kòrsou
Bida di e Afrikanonan na Kòrsou tabata duru. Tula, Louis Mercier i Pedro Wacao katibunan di kunuku a uni i lanta kontra di nan na 1795. E rebelion mas grandi i importante den historia di Kòrsou. Despues ku nan a kapturá Tula, nan a kologá Tula na un krus i mare na un wil pa seguidamente kap su kabes afó. Nan a tira su kurpa den laman i pega su kabes ku un staka riba plenchi di Gobernador.
Gobièrnu a proklamá 17 di ougùstùs komo dia di lucha pa libertat. Tur aña ta konmemorá e lucha dia 17 di ougùstùs na Rif.
Pa mas informashon
Por lesa e siguiente website nan i wak video di Youtube:
