Skip to content Skip to footer

EE nòmber brua ta un nòmber ku ta enserá diferente práktika spiritual afrikano-kurasoleño. Algun elemento di práktika religioso popular na Kòrsou ta inkluí venerashon di santu, venerashon di ansestro, sanashon spiritual, i brua. Pero tambe kultonan manera vudu, winti, veintiun divisiones, palo i kultonan separá pa diferente misterio (entidatnan spiritual di e religion) òf debotonan ku ta partisipá solamente na selebrashonnan di fecha spesífiko.

Tur esakinan tin praktikante na Kòrsou, ounke tin bia e kantidat di praktikante ta hopi chikí i poko organisá.

Den kantikanan bieu di trabou, spesialmente di kosecha, tin referensia kontinuo na diferente aspekto spiritual i religioso ku ta mustra e bida di religion afro-kurasoleño. Palabranan manera Dámbara, Ze, Waze, Do Miwa, Zeula, Guele, Dan, Wedo, Djòdjò, Simodan, Leba, Zjipopo, Asohala i Nogwe https://www.wikiwand.com/pap/Montamentu ta nòmbernan di Dios i di su manifestashonnan ku ta eksistí tambe den panteon di Vudu na Haiti.

Tin diferente hasidó di brua na Kòrsou. E persona ta bai un hasidó di brua pa yuda solushoná entre otro problemanan di relashon hòmber-muhé, depreshon, problema finansiero, malasuerte den bida. E hasidó di brua ku karakterístika supernatural, ta yuda e hendenan ku nan problemanan. Tin hasidó di brua, trahadó òf miradó di kos òf kurioso. Despues di tempu lástimamente a bini hopi hasidó di brua froudulento.

Pa mas informashon check página di Facebook di Bob Harms Kustumber, kuminda i kreensha di origen Afrikano na Kòrsou, Boneiru i Aruba

Leave a comment