Skip to content Skip to footer

Kultura

Kultura ta e manera ku hende ta pensa, komportá, komprondé, ekspresá i biba ku otro . Tur pueblo tin nan propio kultura. E manera kon hende ta anda ku otro ta dependé di: balor, idea, idioma, kerensia, norma i regla.

Tur esakinan ta determiná kon e hende pensa i aktuá den bida. Kultura ta pasa di generashon pa generashon. Tambe kultura ta keda kambia kontinuamente.  

Ta bon pa bo konosé bo kultura, paso kultura ta parti importante di bo mes i bo pueblo.

IMG-20220928-WA0026

Ekspreshon kultural

Un parti importante di kultura ta ekspreshon kultural.Ta trata ekspreshonnan kreativo di ideanan, emoshon, eksperensia di hende pa medio di arte. E formanan di arte por ta músika, teatro, baile, pintamentu i literatura. Esaki nos ta yama ekspreshonnan kultural. Ekspreshonnan kultural mas tradishonal nos ta yama folklor.

Ku e website nos kultura, nos ke hasi historia i herensia kultural mas aksesibel pa hóbennan. Di e forma aki nos ke stimulá hóbennan pa nan mes buska informashon online di historia i kultura di Kòrsou. Naturalmente nos ta spera ku e informashon aki por sirbi tur otro persona tambe pa sa mas di nos isla Kòrsou.

Tópikonan di

Nos Kultura