FFrank Martinus Arion a bai studia idioma Hulandes i literatura na Hulanda na 1955. Arion ta spesialisá den gramátika históriko i lingwístika Arion a traha di 1971 te ku 1977 komo sientífiko na Universidat di Amsterdam. Despues Arion a traha komo dosente na Sürnam. Na 1981 Arion ta bolbe Kòrsou.
Na aña 1988 Arion a lanta un partido polítiko KARA (Kambio Radikal) ku mester a protehá idioma Papiamentu. Na 1996 el a doktorá riba su disertashon skibí na ingles The Kiss of a Slave; Papiamentu’s West-African Connections, tokante orígen di papiamentu. For di 2008 e tabata profesor katedrátiko ekstraordinario na Universidat di Curaçao. Na 1992 Arion ta haña e rekonosementu komo Ridder in de Orde van Oranje Nassau. Na 2008 Arion a entregá su kondekorashon komo protesta kontra e proseso di rekolonisashon di Hulanda.
Arion su bukinan mas konosí ta entre otro : ‘Stemmen uit Afrika’ (1957), ‘Ta amor so po’ (1961), ‘Illusion di un anochi’ (1968), ‘Dubbelspel’ (1973), ‘Afscheid van de koningin’ (1975), ‘Nobele wilden’ (1979), ‘De laatste vrijheid’ (1995) i ‘De deserteurs’ (2006). Arion tabata skibi banda di novela tambe kuenta, poesia i disertashon.
Un punto di bista di Frank Martinus Arion tabata ku e sosiedat Kurasoleño su orígen mas fuerte ta di Afrika i no di Oropa. Esaki Arion ta reflehá den su buki di poesia ‘Stemmen uit Afrika’ i su novela ‘Dubbelspel’ i ‘Afscheid van de Koningin’. Su novela Dubbelspel a haña rekonosementu mundial. E buki Dubbelspel a ser traha komo pelíkula na 2017. Den Dubbelspel Arion ta analisá e bida sosial na Kòrsou ku diferente figura típiko di sosiedat di Kòrsou. Arion tabata skibi tantu na Hulandes komo Papiamentu. Na 1987 Arion a establesé Kolegio Erasmo, Fundashon pa Enseñansa Humanista na Papiamentu.
Na 2012 Gobièrnu ta duna biblioteka nashonal e nòmber di:Biblioteka Nashonal di Kòrsou Frank Martinus Arion. Pas mas informashon tokante Frank Martinus Arion por lesa e siguiente website i wak video di Youtube:
Double Play (film) – Wikipedia
Frank Martinus Arion – Wikipedia
Frank Martinus Arion (1936-2015) Antilliaanse schrijver (absolutefacts.nl)
Frank Martinus Arion – Bi(bli)ografie (schrijversinfo.nl)
Frank Martinus Arion Yu di Krsou YouTube 9cez 360p – YouTube
FRANK MARTINUS ARION-RTC – YouTube
PÉKELE – Een Nieuwjaarsgedicht (voor mijn mensen) geschreven door Frank Martinus Arion. – YouTube
Frank Martinus Arion – Alchetron, The Free Social Encyclopedia
