MManuel Carlos Piar a nanse probablemente den añanan 1777 ku 1778 na Kòrsou Otrobanda, entre Breedestraat ku Rifwater. Su tata tabata di e islanan Kanari i a bini via Venezuela Kòrsou. Su mama tabata un muhé di kolo di Kòrsou. Piar tabata general den ehérsito Bolivariano. El a konsehá Simon Bolívar diferente biaha, ku okupashon di e parti interior di Venezuela tabata nesesario pa liberá Venezuela ku éksito. Simon Bolívar a ninga di aseptá su konseho.
Popular bou di sòldatnan
Ora Piar a logra algun éksito sin instrukshon di Simon Bolívar el a bira popular bou di sòldatnan. E tabata destaká for di otro ofisialnan pa motibu di su vishon stratégiko. Komo hende di kolo e otro ofisialnan no tabata dun’e su balor, maske e tabata parse su tata mas tantu. Nan a instigá Bolivar kontra di Piar. Bolívar a laga arest’é i komo konsekuensia nan a tir’e mata na 1817. Na 1827 Bolívar a rehabilitá Piar kual ta pone Piar pertenesé na un di e héroenan di Venezuela. Na Kòrsou tin un plenchi ku yama Piar. Na Skalo bo ta haña busto di tantu Brion komo Piar.
