Skip to content Skip to footer

LLiteratura ta tur loke ta trata teksto ku hende ta papia òf skibi den un pais, un temporada den historia, den un sierto idioma. Ta trata teksto di diferente tópiko. Por hasi distingshon entre literatura oral ku literatura skibi. E palabra oral ta nifiká un literatura ku e persona ta papia usando palabranan.

Literatura oral 

Tradishon oral ta kustumber, kantika, kuenta, proverbio, charada, chiste, dicho i mito. Tradishon oral por duna un bista di e sistema di biba, pensa di un pueblo. 

Na Kòrsou nos tin e tradishon di konta kuenta, kanta kantika, tira charada, rima, proverbio i dicho. Asina nos konosé kuentanan di Nanzi ku ta hopi konosí.

Tambe tin e kuentanan di:

Zumbi, spiritu i alma malu, kuenta religioso, kuenta pa hari (chiste), historia di Kòrsou i kuenta di fantasia (magia). Kantikanan tokante e bida diario di esnan sklavisá, e trabou duru riba plantashi, manera di kumindá otro i ritualnan di despedida. Un ehèmpel di kuentanan di historia ku a pasa tabata bai tokante un shon ku tabata trata su katibunan malu. Un biaha shon a bai buska awa i e a kai den pos. Su gritu pa ayudo no a duna resultado. Esnan sklavisá tabata kanta ku nan no a mira shon mas: el a foedoewé, yo no mi weleté a foedoewé

Algun kuenta konosí tambe ta di katibunan ku a bula bai bek Afrika den grupo. Esun ku no a kome salu por a bula bai. Ku e palabranan mágiko: donoei doneo, cani bolo wat ng nan a lanta bai den laira. Durante nan buelo esnan sklabisá a kanta amize zeila, amize zeila. Unu si no por a bula paso el a kome salu i e tabata kanta:

Djowili bo ta bai 
Cuminda Djo pa mi 
Bo por mira Djo 
Cuminda Djo pa mi 

Den hinter Karibe tin diferente kuenta di esnan sklabisá ku a krusa oséano Atlántiko pa yega Afrika. E vuelo ta bai huntu ku kantika i palabranan mágiko.

Nanzi

E kuenta di nanzi ta un di esnan mas popular. E ta un reflekshon di e bida miserabel di  esnan sklavisá. Den e kuenta nan aki e relashon di esun ku poder i esun oprimí ta bini dilanti. Esun na poder ta e figura shon Arei i Sha Tiger. E araña aki a bira símbolo di resistensia kontra e shon.

Mas tristu ta e kantikanan ku ta bai tokante benta di katibu. Ta trata un kantika di trabou kaminda dos ruman hòmber sklabisá mester tuma despedida di nan mama ku nan ta bende ku un otro shon ta lo siguiente:

Katibu ta galiña mama 
katibu ta galiña hm 
shon ta bende nos mama ta bende nos 
Katibu ta galiña mama 
katibu ta galiña hm 
nos ta troka shon mama 
mira kon m’a papia shon 
Katibu ta galiña mama 
katibu ta galiña hm 
ata shon ta bende nos mama ku plaka 
na man hm 
Katibu ta galiña mama 
katibu ta galiña hm 

Pa mas informashon por lesa e buki di Echa cuenta di Ellis Juliana

Literatura skibi 

Nos ta distinguí e siguiente géneronan: prosa, poesia i drama. Bou di prosa ta kai kuenta kòrtiku, kuenta pintá, kuenta di ada, parábula, leyenda, mito i novela.

  • Kuenta di ada ta loke nos ta yama na Hulandes: sprookje.
  • Parábula: ta historia ku hopi biaha nos por lesa prinsipalmente den Beibel. Pa medio di un komparashon ta trata di siña e hende ku ta lesa un lès. 
  • Leyenda ta un kuenta kaminda ta konta tokante un virtut i akontesimentu spesial relashoná ku mama Maria òf un otro persona santu. 
  • Mito ta un kuenta tokante diosnan, mitar diosnan. Mayoria biaha e kontenido ta historia di héroenan griego i romano. 
  • Obra teatral ta kai bou di drama. Nos ta distinguí dos sorto di drama: tragedia i komedia. Tragedia ta den e kuadro aki un obra teatral ku un kontenido trágiko. Komedia ta un obra teatral ku un kontenido alegre.
Lista di eskritor

Amasia, Lola Celedon de 

Arion, Frank Martinus 

Augusta- Ersilia, Merly 

Bacilio, Gilbert ( Gibi) 

Baromeo, Carlos (Papa) 

Baromeo, Wilfred Florencio (Barshe) 

Berry-Haseth, Lucille 

Bonofacio, Stanley 

Brenneker, Paul  H.F (Vitus) 

Cijntje, Echi 

Coco, Juan Virgilio (Vi) 

Colastica, Roland (Roy) 

Cordilia, Sharline (Mimi) 

Corsen, Charles 

Corsen, Joseph Sickman 

Cirsen, Maria Jolanda (Oda Blinder) 

Crispulo, Rudolf 

Croes, Eric la 

Daal, Luis Henrique Plácido 

Damon, Roland (Pachi) 

Davelaar, Emilio 

Diwan, Maria C. 

Domacassé , Venancio (Pacheco) Benjamin 

Doran, Gilberto A. (Bèti) 

Ecury, Nydia M. 

E. Evers, Errol (Roy) 

Fraai, Manuel 

Garmers, Sonia 

Giterson, Cathleen 

Goeloe, Alexis (Alex) 

Goeloe, Isabelia 

Goilo, Enrique 

Habibe, Frederik Hendrik (Henry) 

Hart, Joseph (Jopi) 

Haseth, Carel P. De 

Hato- Arvelo, Nydia 

Heiligers, Bernadette 

Hendrikse- Rigaud, Renee 

Henriquez,May 

Hermanus, Julio Constantino (Eligio Melfor) 

Hooi, Richard (Yerba Seku) 

Inecia, Alvin ( Ali) 

Inecia, Giselle 

Jamanika, Anthony 

Jongh, Edward de 

Jong, Gustaaf de 

Juliana, Elis 

Jungslager, Roel (Leo Regals) 

Kleinmoedig, Nilo E. 

KLeinmoedig-Eustatia, Adriana 

Kroon, Willem Eligio ( Shon We) 

Lauffer, Pierre Antoine 

Lebacs, Diana 

Leito, Arturo E 

Leito, Lucio 

Luisa, Celsio 

Mambre, Pedro 

Martina, Hemayel 

Martina, Ornelio (Kees) 

Marugg, Silvio (Tip) 

Metri, Zehi 

Muller, Enrique 

Nita, Amador P. 

Palm, Julius (Jules) Philip de 

Palm, Mildred (Mila) 

Palm, Walter 

Palm, Norman de 

Penza, Hubert 

Pietersz, Edward M.  Eddie Pieters Heyligger) 

Pinto, Diana 

Pinto, Nilda 

Pool, John C. de 

Rademaker, Philip 

Raphaela, Cornelis M. 

Reyes, Lupe 

Rojer, Meindert ( Menki) Norvell James 

Rosario, Guillermo E. 

Sambo, Reginald Raymond 

Schoobaar, Albert 

Schoobaar- Anthony, Ilse 

Silvanie, Siegfried 

Suriel, Miguel Simnon 

Tjon-Kon -Fat, Arthur L. 

Trinidad, Edseline 

Tronco, Francisco 

Valerianus-Fermina, Imelda 

Victoria, E. A. 

Wanga, Hubert 

Winkel- Riseeuw, Ilse 

Zefrin, Ruth 

Zwerwer, Imro