PPaul Brenneker tabata un pader di Orde van Dominicanen . E tabata un misionero Hulandes, antropólogo i artista di arte visual. Su vokashon komo pader, kristian i humanista lo tabata tin solamente sentido si e yuda drecha sirkunstansia di bida den e hendenan den i pafó di su parokia. Komo ku Brenneker tabata traha serka di e pueblo, su interes den historia, kultura, tradishon i naturalesa a krese di e islanan Kòrsou, Aruba i Boneiru. Huntu ku su amigu Elis Juliana nan a kolekshoná mas tantu fuente di informashon posibel pa konservá kultura i historia.
Entre 1969 i 1975 Brenneker a publiká un serie di 10 buki bou di e nòmber Sambumbu.
Di e manera aki Brenneker i Juliana a logra di dokumento kultura promé ku periodo di modernisashon na un manera sistemátiko. Ta trata informashon di ophetonan dokumento, opheto religioso, instrumento i arte. Na 2001 e kolekshon aki a wòrdu traspasá ofisialmente na Fundashon NAAM.
Tambe Brenneker a publiká tokante di Papiamentu i di e islanan. Brenneker tabata pinta prenchi ku nan a publiká den korant di Amigoe.
Na 1976 Brenneker a risibí e premio di Cola Debrot. Brenneker a risibí e kondekorashon di Ridder in de Orde van Oranje Nassau.
