Skip to content Skip to footer

Kustumbernan rònt di Matrimonio

PPa un matrimonio no tin mala suerte e hòmber tin ku sera su kurpa den kas e promé dianan di kasamentu. E no tin mag di tin kontakto ku niun hende. Pa e matrimonio bai bon e brùit tin ku kasa den karson djabou usá, un set di prenda fia i un par di liga blou pa tene su meanan.

“saka breit” kustumber tabata ku ora e breit tabata kompletamente bisti, sea na kas di su mayornan òf na kas di e kosedó di su shimis, e tabata keda warda den kamber te ora e padrinu di kasamentu bin busk’e. Hinter un fila di outo tabata yega pa bin buska e brùit pa bai misa. Outo nan tabata ku yaya i stroistunan, bruidsjongen ku bruidsmeisjes. Asina e padrinu a baha for di outo i drenta kas e tata di brùit tabata drenta den kamber i guia e brùit hib’e den sala pa entreg’é na e padrino di kasamentu.  Despues e padrino ta guia e brùit, hib’e na outo pa kore rumbo di misa.

Kita laken, mainta trempan e mama di e brùidehòm tabata bai bishitá e pareha pa informá kon nechi tur kos a bai. Pero e motibu prinsipal di e bishita tabata pa kita laken di e kama ku e pareha a drumi nan promé anochi i ku supuestamente mester a manchá ku lágrima birginal. E mancha tabata prueba pa mama di e hòmber ku yu hòmber a kasa ku un muhé vírgen.  Mes mainta e mama di e brùit ta kologá e laker na waya den kura di su kas pa tur bisiña i tur hende ku pasa por wak.