Luis Brion su nòmber berdadero tabata Philippus Ludovicus Brion. E tabata yu di un komersiante eksitoso di Bèlgika, Pierre Brion. Famia Brion tabata papia Franses na kas i tabata katóliko. Pierre Brion tabata den fin di siglo 18 un di e komersiantenan mas riku na Kòrsou. Nan ta bisa ku famia Brion tabata biba na Breedestraat, na huki di Naniestraat.
Komo atmiral e tabata tin un ròl grandi den e guera pa libertat di e paisnan ku awor yama Colombia ku Venezuela. Nan ta konsider’é komo un di e héroenan den guera i historia di Venezuela. Na 1882 nan a hiba su restunan Caracas pa dera su restunan huntu ku Simon Bolívar. Na Kòrsou e a keda konmemorá komo plenchi Brionplein ku su busto riba e plenchi.
