ZZumbi mayoria biaha ta e spiritu di un persona ku tabata na bida mal hende. Despues di su morto e no por haña pas i e ta sigui rondia. Zumbi ta forma un menasa pa hende. Bo por topa zumbi mardugá den serkania di santana. Hopi biaha ta usa kontra komo protekshon kontra di Zumbi.
Den hopi kas bo ta topa un krus ariba di e porta. Esaki ta pa evitá spiritu malu drenta kas. Banda di 6or di atardi ta sende lus, paso spiritu nan no gusta lus. Kaminda tin lus sende, nan no por drenta. Tin kas bo ta topa altar tambe ku imágen/ plachi di santu òf busto di santunan. Nan ta protehá hende den tempu difísil. Riba e altar bo por topa figuranan ku no tin di aber ku religion katóliko, manera Maria Lionza (un figura mitológiko di Venezuela), un indjan òf un buda.
Un spiritu ku tin atenshon spesial ta Almasola of Amrasol. Esun ku drenta un pakto ku almasola lo keda pa semper mara na dje. E lo por haña hopi kos di material pero e tin ku paga karu pe. Almasola ta pidi bida di hende komo sakrifisio. Ora hende bai pèrdí sin por sali afó kiko a pasa, nan ta bisa ku ta sakrifisio di Almasola. E hende muhé tambe por bira e sakrifisio di Almasola : su kabes ta brua i despues e ta fayesé
Riba Facebook tin entrevista di Mitonan; Historianan di spiritu ku nos a lanta tende di dje! Chèk e linknan di Facebook:
