EElis Juliana a nanse dia 8 di ougùstùs 1927 na Nieuw Nederland. Juliana a kuminsá un karera intenso i ta skibi, desaroyá, investigá, praktiká siensia, publiká. Juliana e desaroyá su mes komo artista, poeta, kontadó di kuenta, pintor, eskultor, eskritor di kuenta i prosa. Tambe Juliana a hasi trabou komo antropólogo ku arkeólogo ku investigashon di su kultura ku trabou etnográfiko. Loke a kuminsá komo un kuriosidat pa haña inspirashon for di historia oral a bira su pashon: bishita grandinan komo fuente di informashon i konosementu. Akinan e la sera konosí ku Brenneker.
Na 1956 Juliana ta hasi su debut komo maestro di seremonia i kontadó di chiste den klup Jolly Fellows Society. Despues e ta presentá den grupo di komedia Mascarada. Mas despues ta lanta Fundashon Pro Arte Escénico den kua Juliana ta presentá su propio obra di un akto Malditu Yalurs i su skèch Pa un amor. E klásiko kolekshon di poesia Flor di Datu ta sali na 1956. Su promé One man show ta den teater Roxy na 1957. Na 1959 Philips Antiliana ta publiká un disko 78 ku 9 poesia di Flor di Datu. Aña 1960 Juliana ta inisiá e programa di televishon Nos Tera. Ta sigui un kantidat grandi di publikashon i aktividat, entre nan un presentashon tokante poesia na Papiamentu.
Elis Juliana tin un lista di sigur 50 publikashon, entre otro su poesianan den Flor di datu, su kuentanan den Wazo riba ròndu (1967, 1981, 1988), Guia Etnológiko I, II, III i su filosofia OPI I, II, III, IV, Organisashon Planifikashon Independensia (1979, 1980, 1983, 1988).
Juliana ta komprimí esensia den tiki, loke ta bini dilanti den su uzo di poesia hapones Haiku. Juliana: “Haiku ta un forma di poesia mashá kòrtiku ku únikamente tres liña di respektivamente sinku, shete i sinku sílaba. Na 1993 Sede di Papiamentu ta publiká di Juliana e kolekshon original Un mushi di haiku. Juliana ta publiká ketu bai su haikunan den entre otro korant Amigoe.
Na 1979 Juliana i amigu saserdote Paul Brenneker ta dje leu ei ku nan ta habri den e piso abou di Museo di Kòrsou, e museo etnológiko ku nan kolekshon di artefakto, trahá durante hopi aña di trabou intenso. Esaki despues di traha na 1974 i 1978 komo dosente di orientashon kultural na respektivamente Akademia Pedagógiko i Instituto di Enfermeria i lanta Museo di Boneiru na aña 1977. Na 1968 pa un estadia di 4 luna na Instituto pa Prehistoria di Universidat di Leiden, Ulanda, pa profundisá den arkeologia.
Na 1973 Juliana a risibí e premio di Cola Debrot. Tambe Juliana a wòrdu kondekorá komo Ridder in de Orde van Oranje Nassau
Dr. Elis Juliana a fayesé 23 di yüni 2013 despues ku el a kaba di risibí su doktorado honorifiko na Universidat 18 di yüni 2013. Pa mas informashon di Elis Juliana por lesa mas riba website i Youtube ku ta lo siguiente:
Elis Juliana – Wikipedia, e ensiklopedia liber
Canon van Curaçao | 40. Elis Juliana en Pater Brenneker
“SANICOLAS, I POBRESA…” (Elis Juliana) – YouTube
Historia di shap~Bebe – Elis Juliana~Super Dynamic – YouTube
Donde Cuba – Elis Juliana – YouTube
