Skip to content Skip to footer

Tempu di Indigeno

PE promé habitante di Kòrsou tabata indigeno, den boka di pueblo Indjan. Kasi 5500 aña pasá kaba! Nan tabata parti di e pueblo Arawak-Maipure ku tabata biba e parti nòrt di Venezuela i Aruba, Boneiru i Kòrsou. E pueblo Arawak di e tres islanan abou tabata di e tribu Caiquetio.Ta yama nan indigeno di e kulturanan ‘Manicuare’ i ‘El Heneal’ . E pueblo indigeno tabata biba di yagmentu, piskamentu i nan tabata planta kunuku chikitu.

Na 1499 e Spañó Alonso de Ojeda a yega Kòrsou. E temporada ei tabata tin entre 500 pa 2000 indigeno. Spaña a konkistá Aruba, Boneiru i Kòrsou. Ora Spañónan a yega e tres islanan nan aki nan a manda na aña 1513 mas o ménos 2000 indigeno pa Santo Domingo ku Haiti pa traha komo katibu den minanan di oro. Despues Spañónan a manda buska algun indigeno bek, pero nunka mas nan a logra forma bèk komo pueblo. Despues kasi no tabata tin hende ku tabata biba na Kòrsou. Na 1525 nan a manda 33 indigeno Kurasoleño bek pa Kòrsou. Na 1525 tabata tin mas o ménos 200 indigeno na Kòrsou ta biba.  Na 1620 tabata tin 160. Komo ku nan tabata nabegá pa Venezuela regularmente e kantidat tabata keda varia. Na 1634 na momento ku Hulandesnan a yega Kòrsou nan a topa mas o ménos 400 indigeno. Na 1860 ya e pueblo indigeno kasi no tabata eksistí mas na Kòrsou. 

Arkeólogo a haña artefaktonan di uzo i pintura di e pueblo indigeno den diferente kueba na Kòrsou. Loke nos a heredá awe di e kultura indigeno ta sierto nòmber, palabra, kuminda i kos di uzo. 

Awe diferente di e lugánan kaminda e personanan indigeno tabata biba ta konosí, manera Ascención, St. Martha, San Juan, St. Barbara, St. Cruz i Sint Michiel. Asina nos ta haña sierto lugánan akumulashon di kokolishi kibra, i tin biaha skèrfnan di serámika.

Algun di e lugánan mas importante kaminda e pueblo idigeno tabata biba tabata Santa Barbara, San Juan, de Savaan, Schottegat, Asiento, Koningsplein, St. Maria i Savonet. Na otro lugá manera Piscadera, Kincha, St. Catharina i den diferente kuebanan a haña  restu nan di indjan. 

Si bo ke sa mas di nan markanan ku nan a laga atras i kon nan tabata biba: lesa òf wak lo siguiente: 

Layout 1

Konose Bo Isla: Santana di Karko

Konose Bo Isla: Pintura di Indjan

De oorspronkelijke bewoners

Piedra ta konta kuenta na Kòrsou, Boneiru i Aruba | National Archaeological – Anthropological Memory Management (naam.cw)