Skip to content Skip to footer

Hudiu Sefardí

OOra Hulanda a pèrdè Brasil komo kolonia rondó di 1654, hudiunan sefardí ku tabata biba na Brasil a kuminsá bini Kòrsou.  Nan a establesé nan mes na e terenonan ku WIC a asigná na nan.

Promé ku esaki (1651) ya tabatin grupo di hudiu ku a bini Kòrsou for di Amsterdam Hulanda. Nan tabata hudiu ku a sali di Spaña ku Portugal. Na 1659 12 famia hudiu di Amsterdam bou di direkshon di Isaac da Costa a bin biba na Kòrsou. For di e tempu ei nos konosé famia hudiu manera Maduro, Curiël, Lopez ku Jesurun. Ku tempu a yega mas hudiu for di Guadeloupe, Italia, Sürnam, Brazil, Hulanda i Portugal. Hudiunan sefardí a biba prinsipalmente den Pietermaai, Skalo i Punda. E grupo di protestant ku hudiu tambe tabata tin nan propio kultura. Nan a dediká nan mes na agrikultura. Nan a planta kaña, tabako, índigo, lamunchi, apelsina, katuna, yambo, batata i milon. Pero despues nan a deskubrí ku agrikultura so no por sostené nan famia y poko poko nan ta kuminsá buska aktividat ekonómiko ku ta kuadra ku e geografia i kondishonnan di e temperatura di Kòrsou. Nan a kuminsá importá produktonan for di Hulanda i otro paisnan Oropeo manera komestibel, material di konstrukshon, arma, textiles, paña, bibida, kos di kas, pero komo ku nan tabata hasi tiki ganashi, nan a kuminsá traha den komersio i negoshi di plaka.

Joden in de Cariben

Leave a comment