PPueblo tabata yama Moises Da Costa Gomez: doktor. Gomez a studia lei na Hulanda. E tabata un di e studiantenan mas kapasitá ku tabata sa kiko e tabata ke. Su estudio di lei, e a sigui na Universidat Katóliko di Nijmegen. Na 1935 e ta promové riba e tópiko: het wetgevende orgaan van Curaçao, samenstelling en bevoegdheid bezien in het kader van de Nederlandsche Politiek. Su ideal for di hóben tabata libertat den forma di outonomia.
Na Kòrsou e ta drenta Partido Katóliko Kurasoleño ku a lanta riba inisiativa di monseigneur Verriet. El a buska hendenan simpel pero kapasitá pa drenta partido. Na 1946 e ta tuma parti den e komishon di outonomia komo representante di Antia Hulandes na konferensia di mesa rondó. Durante 1948 ku 1954 diferente konferensia di mesa rondó a tuma lugá i riba 20 di mei 1954 e palabrashonnan mas importante a ser traha bou di e nòmber Statuut van het Koninkrijk der Nederlanden. Den statuto e relashon entre Hulanda i Kòrsou ta determiná. Di 1948 te ku 1954 komo bosero i presidente. Na 1948 e no ta haña loke e ta buska den su partido. Na Westpunt e ta disidí lanta Partido Nashonal di Pueblo. Un partido nobo lanta den kunuku. E ta bira popular bou di pueblo ku ta yam’e doktor, pa motibu di su background intelektual.
Despues di 1949 ku partido nashonal logra viktoria basta grandi. E tabata presidente di Raad van Bestuur i presidente di Regeringsraad di 1951 te ku 1954. Komo pèrdida di su partido na elekshon di 1954 Da Costa Gomez no por a representá Antia Hulandes mas i pone su firma bou di statuto.
Na 1954 ta firma Statuto. Gobièrnu Hulandes a hañ’e obligá na yega na un areglo ku Sürnam i Antia. Ku statuto e paisnan aki a haña outonomia pa loke ta nan asuntunan interno. Asuntunan eksterno i defensa te keda den man di Gobièrnu Hulandes. E Gobièrnu di reino ku ta wòrdu forma, ta eksistí di minister Hulandes, un minister Antiano i te aña 1975 di un minister Sürnam. E minister di Antia nos ta yama Minister Plenipotensiario. E gobernador Antiano ta wòrdu nombra pa Hulanda.
Doktor tabata miembro di Staten di Antia te 1963. Despues diputado di Eilandgebied Kòrsou te na su morto ma 1966.
Pas mas informashon tokante doktor Da Costa Gomez pa lesa e siguiente website nan:
https://nl.wikipedia.org/wiki/Moises_Frumencio_da_Costa_Gomez
Canon van Curaçao | 26. Dr. M. F. da Costa Gomez – Canon van Curaçao (canoncuracao.cw)
Canon van Curaçao | 28. Het statuut – Canon van Curaçao (canoncuracao.cw)
https://canoncuracao.cw/wp-content/uploads/2020/11/Lesbrief-Statuut_LR.pdf
