Komersiante independiente

PPa motibu di desaroyo ekonómiko grandi ku CPIM/SHELL a trese, mas grupo étniko a bin biba na Kòrsou. E gruponan akí a bini pa hasi negoshi komo komersiante independiente. Nos ta papia aki di e siguiente gruponan

• Libanes ku Sirio, ku nos ta yama arabir. 
• For di India a bini un grupo di Indio ku nos ta yama hindú.  
• For di Oropa oriental a bini un otro grupo di hudiu, e asina yamá Hudiu Askenazi. Den boka di pueblo ta yama nan polako.
• Chines 
  

Tur e gruponan étniko akí a keda riba nan mes, pa motibu di entre otro diferensia di religion, di interes ekonómiko.

De pluriforme samenleving

Hudiu

Na 1926 e hudiu Askenazi a hui pa persiguishonnan na Oropa Sentral i Oriental. Nan tabata bini di paisnan manera Polonia, Rusia i Rumania. Den boka di pueblo nan tabata yama e hudiunan aki Polako, komo ku mayoria tabata bini for di Polonia. E grupo aki a hui pa atakenan violento di e grupo asina yama “kozakken”. Un otro faktor tabata tambe e pobresa inmenso ku tabata dominá. E grupo di hudiu Askenazi a yega Kòrsou sin ningun sèn. Nan no tabata tin un profeshon rekonosé ku nan por a ehersé na Kòrsou. Banda di esaki nan no tabata dominá e idioma Papiamentu ni Hulandes. No a keda nan nada mas ku kana bende produkto.

Nan tabata kana rònt den pueblo ku asina maleta grandi na man i sobrekama riba lomba, nan ta kana ofresé kas pa kas nan merkansia i na preis hopi barata. Nan tabata kumpra produkto di e doñonan di pakus i bai bende nan na den bario pafó di siudat kas pa kas  Komersiantenan di Otrobanda ta kuminsá bende nan pakus ku Polako. Nan tabata dirigí nan mes ku negoshi di produktonan luho. E hudiunan aki tabata bende paña, oloshi i artíkulonan pa kas. Nan tabata sa di invertí nan ganashi den konstrukshon di edifisionan bunita pa tienda i drecha kalidat di nan produktonan. Asina aki nan a bira un atrakshon pa turistanan Merikano i Venezolano. Un di e tiendanan konosí ta Spritzer and Fuhrmann, lanta a 1927. Nan a lanta nan mes sinagoga i klupnan di rekreashon. Nan a keda separá di e hudiunan Sefardí.

Joods Cultureel Kwartier

Indio

E Indionan a bini Kòrsou pa partisipá den komersio na eskala chikí, probechando di kresementu di turismo. E pueblo di Kòrsou tabata yama nan “kuli”.

Arabe

E libanesnan i Sirio di Libanon òf Siria a forma un grupo di komersiante importante.  Den boka di pueblo ta yama e grupo aki “Arabir” E promé Libanesnan a bini promé ku Shell. Nan tabata bende produkto di kas pa kas. Nan tabata esnan ku tabata kumpra sombré di kabana pa bende den eksterior. Despues nan yunan a sigui aktivo komo doño di pakus, diferente profeshon liber òf den Gobièrnu.

Chines

Chinesnan a bini for di Karibe i Asia. Hopi di nan tabata traha riba barkunan petrolero. Nan a manda buska Chinesnan spesial pa traha riba tanki i nan tambe a traha duru i spar pa bira doño di waserèt i restorant. E chinesnan nan tabata yama: Chino.