Skip to content Skip to footer

Kultura

Kultura ta tur lokual hende a krea. E ta e manera ku un pueblo ta pensa, komportá,  ekspresá, papia i biba ku otro. Tur pueblo tin nan propio kultura. E manera kon hende ta anda ku otro ta dependé di: balor, idea, kustumbernan, idioma, norma i regla.

Kultura  ta determiná kon un pueblo, pero tambe kon un grupo of un persona ta pensa i komportá su mes. Kultura ta pasa di generashon pa generashon. Tambe kultura ta keda kambia kontinuamente.  

Ta bon pa bo konosé bo kultura, paso kultura ta parti importante di ken abo i bo pueblo ta.

IMG-20220928-WA0026

Ekspreshon kultural

Un parti importante di kultura ta ekspreshon kultural. Ta trata ekspreshonnan di ideanan, emoshon, eksperensia di bida pa medio di arte. E formanan di arte por ta músika, teatro, baile, arte visual i literatura. Ekspreshonnan kultural mas tradishonal nos ta yama folklor ku ta por ehèmpel festival di seú.

Ku e website nos kultura, nos ke hasi historia i herensia kultural mas aksesibel pa hóbennan. Di e forma aki nos ke stimulá hóbennan pa nan mes buska informashon online di historia i kultura di Kòrsou. Naturalmente nos ta spera ku e informashon aki por sirbi tur otro persona tambe pa sa mas di nos isla Kòrsou.

Tópikonan di

Nos Kultura